પુડુચેરી પાર કરી ગયા બાદ નબળું પડી રહ્યું છે Cyclone Nivar, અનેક વિસ્તારોમાં તબાહી

ચેન્નાઈ: ચક્રવાતી તોફાન નિવાર નબળું પડીને અતિ ગંભીર શ્રેણીમાંથી ગંભીર શ્રેણીમાં આવી ગયું છે. ભારત હવામાન વિજ્ઞાન વિભાગના જણાવ્યા મુજબ 26 નવેમ્બરે મધરાતે 2.30 વાગે પુડુચેરી પાર કરી ગયા બાદ તેની 120 કિલોમીટર પ્રતિ કલાકની ઝડપ ઘટીને 100-110 કિલોમીટર પ્રતિ કલાક થઈ ગઈ. તોફાન ઉત્તર-પશ્ચિમી વિસ્તારમાં આગળ વધી રહ્યું છે. આગામી છ કલાકોમાં તે નબળું પડી જશે. તામિલનાડુ અને પુડુચેરીના અધિકારીએ તોફાનથી ઊભી થયેલી સ્થિતિને પહોંચી વળવા માટે અનેક ઉપાય કર્યા છે. તામિલનાડુ અને પુડુચેરીમાં અનેક વિસ્તારોમાં ભારે વરસાદ પડી રહ્યો છે. 

Very severe cyclonic storm #Nivar weakened and lay as a severe cyclonic storm with wind speed of 100-110 kmph gusting to 120 kmph at 2:30 am of 26th Nov. It would continue to move north-northwest wards and weaken further into a cyclonic storm during next 6 hours: IMD pic.twitter.com/YGyi8h04By

— ANI (@ANI) November 25, 2020

હવામાન ખાતાના જણાવ્યા મુજબ તામિલનાડુના કુડુલોર, મહાબલીપુરમ સહિત અનેક શહેરોમાં ભારે વરસાદ છે. પુડુચેરીમાં ભારે પવન સાથે ધોધમાર વરસાદ પડી રહ્યો છે. તામિલનાડુના કુડુલોરમાં 25 નવેમ્બરના સવારે સાડા આઠ વાગ્યાથી 26 નવેમ્બર રાતે 1.30 વાગ્યા સુધીમાં 244 એમએમ વરસાદ અને પુડુચેરીમાં 225 એમએમ વરસાદ નોંધાયો છે. તામિલનાડુમાં એક લાખ લોકોને સુરક્ષિત જગ્યાઓ પર ખસેડાયા છે. 

Puducherry: Centre of #CycloneNivar crossed coast near Puducherry during 11:30 pm of 25th Nov to 2:30 am of 26th Nov. It then weakened & lay as a severe cyclonic storm at 2:30 am of Nov 26. Winds in NE sector from Puducherry will gradually decrease to 65-75 kmph during next 3 hrs pic.twitter.com/pfzPJJLIYT

— ANI (@ANI) November 25, 2020

ચક્રવાતી તોફાન નિવાર પુડુચેરી 25 નવેમ્બરની રાતે 11.30 વાગ્યાથી લઈને 26 નવેમ્બરની રાતે 2.30 વાગ્યાની વચ્ચે પસાર થયું. ત્યારબાદ તેની ઝડપ ઘટી રહી છે. હવે તેની કેટેગરી severe cyclonic stormની છે. પુડુચેરીથી આગળ હવે પવનની ગતિ ઓછી થઈને 65થી 75 કિમી પ્રતિ કલાક થઈ જશે. 

જો કે આ તોફાને તામિલનાડુ અને પુડુચેરીમાં ખુબ નુકસાન પહોંચાડ્યું છે. રાત હોવાના કારણે પ્રભાવિત વિસ્તારોની બરાબર તસવીરો પ્રાપ્ત થઈ રહી નથી. પરંતુ વરસાદ અને તોફાનના કારણે વિસ્તારમાં જનજીવન ઠપ થઈ ગયું છે. ચેન્નાઈ એરપોર્ટ બંધ કરી દેવાયું છે. જ્યારે મહાબલિપુરમમાં પણ ભારે વરસાદના અને પવન ફૂંકાવવાના કારણે અનેક વૃક્ષ જમીનદોસ્ત થયા. 

રાહત સામગ્રી પહોંચાડવા માટે INS સુમિત્રા રવાના
પુર બાદ રાહત સામગ્રી પહોંચાડવા માટે INS સુમિત્રાને વિશાખાપટ્ટનમથી રવાના કરી દેવાયું છે. INS સુમિત્રાની સાથે INS જ્યોતિને પણ રાહત સામગ્રી પહોંચાડવાનો કાર્યભાર સોંપવામાં આવ્યો છે. બંને જળયાનોનું કામ તામિલનાડુ તટના કિનારે જરૂરી સ્થળો સુધી રાહત સામગ્રી પહોંચાડવાનો છે. 

It’s 3 AM. So far matters under control. 🙏🙏😇😇 pic.twitter.com/SX0VZhoALV

— Kiran Bedi (@thekiranbedi) November 25, 2020

પુડુચેરીના એલજી કિરણ બેદીએ જો કે ટ્વીટ કરીને કહ્યું હતું કે હાલ રાતેના 3 વાગ્યા છે અને સ્થિતિ નિયંત્રણમાં છે. તેમણે લોકોને 5 વાગ્યા સુધી સંભાળીને રહેવા પણ જણાવ્યું હતું. 

કોરોના વાયરસ પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube